ЗША захапілі другі нафтавы танкер каля берагоў Венесуэлы

Злучаныя Штаты ўзмацняюць ціск на рэжым Нікаласа Мадуры. У суботу, 20 снежня, стала вядома пра захоп чарговага судна ў Карыбскім моры. Гэта адбылося праз некалькі дзён пасля таго, як Дональд Трамп абвясціў «поўную блакаду» падсанкцыйных танкераў, якія працуюць з Венесуэлай.

Скрын відэа

Танкер Centuries ішоў пад сцягам Панамы. Паведамляецца, што ён перавозіў каля 1,8 млн барэляў венесуэльскай нафты маркі Merey і накіроўваўся ў Азію.

Аперацыю ў міжнародных водах правяла Берагавая ахова ЗША пры падтрымцы Пентагона. Міністарка ўнутранай бяспекі Крысці Ноэм апублікавала відэа, на якім відаць высадка дэсанту з верталётаў на палубу карабля.

In a pre-dawn action early this morning on Dec. 20, the US Coast Guard with the support of the Department of War apprehended an oil tanker that was last docked in Venezuela.

The United States will continue to pursue the illicit movement of sanctioned oil that is used to fund… pic.twitter.com/nSZ4mi6axc

— Secretary Kristi Noem (@Sec_Noem) December 20, 2025

Паводле звестак СМІ і марскіх экспертаў, менавіта гэты танкер не знаходзіўся ў амерыканскіх санкцыйных спісах, аднак улады ЗША выкарыстоўвалі права на агляд праз падазрэнні ў незаконнай дзейнасці.

Венесуэла назвала дзеянні ЗША «міжнародным пірацтвам», «крадзяжом» і «выкраданнем». Каракас афіцыйна заявіў, што будзе звяртацца ў Раду Бяспекі ААН.

Вашынгтон намагае, што пераследуе нафту, якая, паводле амерыканскай стараны, выкарыстоўваецца для фінансавання «наркатэрарызму». 

10 снежня ЗША быў захоплены танкер Skipper, які быў пад санкцыямі за сувязі з Іранам.

16 снежня Трамп абвясціў пра «поўную блакаду» ўсіх падсанкцыйных суднаў і прызнаў урад Мадуры «замежнай тэрарыстычнай арганізацыяй».

Каментары да артыкула