У Мінску сталі падключаць сувязь 5G
У цэнтры Мінска на днях запусцілі першую зону мабільнай сувязі па тэхналогіі 5G. Пра гэта распавёў міністр сувязі і інфарматызацыі Кірыл Залескі, яго словы прыводзіць БелТА.
Паводле слоў Залескага, у міністэрстве чуюць пажаданні беларусаў па пашырэнні стацыянарнай і мабільнай сувязі.
«Хуткасць мабільнага інтэрнэту ў наступную пяцігодку вырасце ў сярэднім у чатыры разы», — падкрэсліў ён.
Нагадаем, з 9 па 11 мая ў Мінску ў тэставым рэжыме ўжо працавала сетка мабільнай сувязі фармату 5G. Яе тэставалі МТС і адзіны інфраструктурны аператар сетак 4G і 5G у Беларусі — кампанія beCloud.