З’явілася відэа моманту выбуху ў Гомелі на вуліцы Косарава
Кадры з камер вонкавага назірання дома №3 па вуліцы Косарава, дзе ўчора адбыўся магутны выбух, апублікавалі «Моцныя навіны». На запісе відаць, якой была выбуховая хваля.
Ад інцыдэнту пацярпеў і найбліжэйшы дзіцячы сад. Выбуховай хваляй у будынку выбіла шкло. Акрамя таго, пацярпелі як мінімум два аўтамабілі, што стаялі непадалёк.
Ноччу ратавальнікі абследавалі месца выбуху. Пошукі вяліся ва ўмовах навіслых абломкаў і нестабільных элементаў канструкцый.
Жывых людзей пад заваламі не выяўлена. Ці ёсць загінулыя, інфармацыі няма.
Учора ў Гомелі на вуліцы Косарава ў кватэры адбыўся выбух, у выніку абрынуліся перакрыцці ў трох кватэрах.