У Наваполацку тушылі пажар у гарадской бальніцы
У Новаполацкай гарадской бальніцы адбылося ўзгаранне, якое аператыўна ліквідавалі ратавальнікі, паведаміла прэс-служба МНС.
Скрыншот з відэа
3 снежня ў наваполацкую службу МНС паступіла паведамленне пра пажар на трэцім паверсе ў памяшканні бальніцы. Калі ратавальнікі прыбылі на месца, яны ўбачылі адкрытае гарэнне ў падсобным памяшканні.
Медыцынскі персанал самастойна эвакуяваў з будынка 24 дзяцей і 11 супрацоўнікаў. Ніхто пры гэтым не пацярпеў.
Пажар хутка патушылі. У ліквідацыі ўзгарання ўдзельнічалі 14 адзінак тэхнікі.