Сустрэча Зяленскага з Уіткафам у Бруселі скасаваная
Сустрэча прэзідэнта Украіны Уладзіміра Зяленскага са спецпасланнікам ЗША Стывам Уіткафам і зяцем Дональда Трампа Джарэдам Кушнерам у Бруселі скасаваная. Пра гэта паведаміў журналіст Kyiv Post у Вашынгтоне Алекс Раўфоглу са спасылкай на ўласныя крыніцы.
Стыў Уіткаф і Уладзімір Зяленскі
Раней паведамлялася, што Зяленскі сустрэнецца з амерыканскімі прадстаўнікамі пасля іх візіту ў Маскву і перамоваў з Уладзімірам Пуціным.
«Паводле дадзеных крыніц, сустрэча ў Бруселі скасаваная. Зяленскі вяртаецца дадому. Крэмль сцвярджае, што Уіткаф і Кушнер «абяцалі» адправіцца проста ў Вашынгтон пасля перамоваў з Пуціным», — напісаў Раўфоглу.