11‑гадовы школьнік перадаў кур’еру тэлефонных махляроў больш за 82 тысячы рублёў
Выпадак адбыўся ў Гродне.
Тры дні махляры трымалі на кручку пяцікласніка, і ў першы дзень зімы 11‑гадовы школьнік перадаў кур’еру тэлефонных махляроў больш за 82 тысячы рублёў, паведамляе СК.
Супрацоўнікі міліцыі аператыўна вызначылі асобу кур’ера: ім аказаўся 21‑гадовы замежнік, які прыбыў у Беларусь напярэдадні.
Мужчына затрыманы, усе грошы, што былі пры ім, канфіскаваныя і будуць вернутыя ўладальніку.