«Без Білета» дадуць першы канцэрт за 4 гады. У Маскве
Беларускі гурт «Без Білета» паведаміў, што мае намер упершыню за 4 гады правесці канцэрт. Пляцоўкай для гэтага абраная Масква.
Канцэрт прызначаны на 6 студзеня 2026 года. Як гаворыцца ў абвестцы, у гурта былі «чатыры гады, каб пераасэнсаваць усё і зноў выбраць — музыку, людзей і святло».
Перад гэтым стала вядома, што Віталя Артыста, саліста і стваральніка «Без Білета» 19 кастрычніка ўключылі ў базу ўкраінскага сайта «Міратворац», дзе публікуецца інфармацыя пра меркаваных «прарасійскіх тэрарыстаў, сепаратыстаў, наймітаў, ваенных злачынцаў і забойцаў». Гэта адбылося з-за ягонай паездкі ў анексаваны Расіяй украінскі Крым.
Чытайце таксама:
Сёння адбудзецца анлайн-канцэрт гурта «Разбітае сэрца пацана»
Беларускі постпанк-гурт Nürnberg выпраўляецца ў еўрапейскі тур
Удзельнікі гурта Litesound выехалі з хатняй хіміі і скарылі журы на конкурсе талентаў у Літве