Віленскі аэрапорт зноў закрыўся
Пакуль абмежаванні на палёты ўвялі на некалькі гадзін.
Віленскі аэрапорт. Фота: сацсеткі аэрапорта
Віленскі аэрапорт у чарговы раз часова закрыўся 30 лістапада ў 18:09 па літоўскім часе. Абмежаванні для паветранай прасторы будуць дзейнічаць да 21:00.
«Паводле першапачатковай інфармацыі, на рашэнне аб увядзенні абмежаванняў у паветранай прасторы паўплывалі навігацыйныя прыкметы, характэрныя для паветраных шароў, якія рухаюцца ў напрамку Віленскага аэрапорта», — паведаміў аэрапорт.
Пазней абмежаванне на палёты працягнулі да гадзіны ночы.
За апошнія месяцы такія здарэнні ўжо сталі нярэдкасцю. Апошні раз віленскі аэрапорт часова закрываўся ў ноч на суботу.