Караль Наўроцкі адмяніў сустрэчу з Орбанам з-за яго візіту ў Маскву
Прэзідэнт Польшчы Караль Наўроцкі 3 снежня адпраўляецца ў візітам у Венгрыю, але ён адмовіўся ад запланаванай сустрэчы з прэм'ер-міністрам Венгрыі Віктарам Орбанам.
Караль Наўроцкі. Фота: Mateusz Slodkowski / Getty Images
Кіраўнік упраўлення міжнароднай палітыкі канцылярыі прэзідэнта Польшчы Марцін Пшыдач паведаміў, што Наўроцкі вырашыў «абмежаваць праграму свайго візіту ў Венгрыю выключна самітам прэзідэнтаў краін Вышаградскай групы ў Эстэргаме». «Такое рашэнне прынята ў сувязі з нядаўнім візітам прэм'ер-міністра Венгрыі Віктара Орбана ў Маскву і яго кантэкстам», — простым тэкстам паведамляе польскі бок.
Двухдзённы візіт Караля Наўроцкага ў Венгрыю пачынаецца 3 снежня. Яго сустрэча з Орбанам павінна была адбыцца ў Будапешце.
Віктар Орбан наведаў Маскву 28 лістапада 2025 года. Ён заяўляў, што асноўнай тэмай перамоў з Уладзімірам Пуціным будуць пастаўкі энерганосьбітаў, бо Венгрыя працягвае іх імпарт з Расіі. На сустрэчы ў Крамлі Орбан таксама заявіў, што быў бы «вельмі рады», калі б Будапешт стаў пляцоўкай для сустрэчы Пуціна і Трампа.
Пасля візіту ён заявіў, што Украіна павінна стаць «буфернай зонай».
Адмена сустрэчы з боку Польшчы сведчыць пра глыбокае рознагалоссе паміж Варшавай і Будапештам у дачыненні да вайны ва Украіне і адносін з Крамлём.