«Мужыкі, я новенькі». Злодзей зайшоў на будпляцоўку і абакраў рабочых у іх на вачах
Міліцыя Партызанскага раёна Мінска затрымала 38‑гадовага мінчука, які ўжо меў судзімасць, па падазрэнні ў крадзяжы грошай з бытоўкі на будаўнічай пляцоўцы.
Высветлілася, што мужчына праходзіў міма і вырашыў зайсці ў бытавое памяшканне. Там ён пачаў перабіраць чужыя рэчы — кішэні, кашалькі, сумкі — і знайшоў грошы, якія забраў сабе.
Калі ўсярэдзіну падчас гэтай аперацыі раптам зайшоў адзін з рабочых, зламыснік хутка зарыентаваўся, назваўся «новенькім» і такім чынам не выклікаў падазрэння. Пачуўшы гэта, рабочы з памяшкання выйшаў, а злодзей працягнуў сваю справу.
Усяго ён скраў больш за 1000 рублёў і, па яго словах, паспеў усё патраціць.
Па факце крадзяжу распачалі крымінальную справу.
Чытайце таксама:
14‑гадовы школьнік скраў з кватэры знаёмай 100 тысяч даляраў і паспеў патраціць 70 тысяч
Мужчына скраў у Фаніпалі ровар, даехаў на ім да Мінска і там здзейсніў яшчэ адзін крадзеж