Самая танная кватэра ў Мінску прадаецца за 55 тысяч даляраў. Але яна цалкам пустая
Затое цалкам падрыхтаваная да рамонту.
Кватэра прадаецца ў пяціпавярховіку 1970 года на вуліцы Чыгладзэ. Плошча — 30 «квадратаў», месціцца яна на апошнім паверсе, піша Onliner.by.
Яна цалкам пустая, але падрыхтаваная да рамонту.
Сцены атынкаваныя і пафарбаваныя, зроблены дэмантажныя работы, пастаўлены вокны з новымі шклопакетамі.
Застаецца толькі дадаць свайго індывідуальнага стылю. Ну і мэблю з тэхнікай, вядома. Затое не давядзецца пазбаўляцца ад чужога і лішняга.
Каштуе такая кватэра $55 000 па курсе.