Да кіраўніка Офіса прэзідэнта Украіны Андрэя Ермака прыйшлі з вобшукамі
Вобшук праводзяць супрацоўнікі антыкарупцыйнай пракуратуры і Нацыянальнага антыкарупцыйнага бюро (НАБУ).
Кіраўнік Офіса прэзідэнта Украіны Андрэй Ярмак фігураваў у карупцыйным скандале ва Украіне. Таксама ў ліпені былі пратэсты, звязаныя з абмежаваннем паўнамоцтваў антыкарупцыйных органаў, у гэтым таксама абвінавачвалі Офіс прэзідэнта Украіны.
Ва Украіне расследуюць маштабную карупцыйную схему ў сферы энергетыкі. Сярод падазраваных — бізнэсмен, суўладальнік студыі «Квартал-95» і паплечнік Зяленскага Цімур Міндзіч, былы дарадца міністра энергетыкі Ігар Міранюк, выканаўчы дырэктар па бяспецы «Энергаатама» Дзмітрый Басаў, бізнэсмен Аляксандр Цукерман, Ігар Фурсенка, Леся Усціменка і Людміла Зорына. Міндзіч і Цукерман з'ехалі з Украіны, астатніх затрымалі.