Урад назваў год, калі Беларусь цалкам забяспечыць сябе «зімовымі» памідорамі
Беларускі ўрад назваў дакладныя тэрміны, калі ўнутраны рынак будзе цалкам забяспечаны айчыннымі таматамі, у тым ліку ў міжсезонны перыяд. Новыя планы 27 лістапада агучыў намеснік прэм'ер-міністра Беларусі Юрый Шулейка.
Паводле слоў віцэ-прэм'ера, калі патрэбу ўнутранага рынку ў свежых агурках аграрыям ужо ўдалося закрыць цалкам, то па таматах пакуль назіраецца недабор, асабліва зімой.
Юрый Шулейка прагназуе, што патрэба Беларусі ў таматах у міжсезонны перыяд 2027/2028 года будзе цалкам закрытая.