«Белавія» запусціць рэгулярныя рэйсы ў В'етнам
Авіякампанія «Белавія» абвясціла пра адкрыццё рэгулярных рэйсаў у В’етнам. З 12 кастрычніка кампанія ўжо лётае туды чартарамі (на востраў Фукуок), а з 31 сакавіка 2026 года стартуюць пастаянныя рэйсы ў Нячанг (аэрапорт Камрань).
Здымак ілюстрацыйны. Крыніца: freepik.com
Самалёты Airbus A 330‑200 будуць выконваць палёты двойчы на тыдзень — па аўторках і суботах.
Расклад:
- вылет з Мінска ў 00:30, прыбыццё ў Нячанг у 15:30;
- зваротны рэйс — у 17:30 з прызямленнем у Мінску ў 01:10.
Дарога зойме каля 11 гадзін у адзін бок і каля 11 гадзін 40 хвілін у зваротным кірунку.
Квіткі ўжо прадаюцца: ад 1 393 рублёў у адзін бок і ад 2 704 рублёў за пералёт туды-назад (тарыф «Лайт»). У сістэме браніравання гэтыя цэны пацвярджаюцца.
Непасрэдны рэйс паміж Мінскам і В’етнамам абяцалі, дарэчы, яшчэ ў 2008 і 2012 гадах, але размова тады ішла пра Ханой.
Чытайце таксама:
«Белавія» аднаўляе чартарную праграму ў Туніс
«Белавія» падключылася да расійскай сістэмы авіяцыйнай сувязі