У ДТЗ пад Іванавам загінула жанчына, тры чалавекі пацярпелі
У Іванаўскім раёне Брэсцкай вобласці каля 12:55 на 15‑м кіламетры дарогі Н-472 адбылося цяжкае ДТЗ, паведамляе УУС Брэсцкага аблвыканкама.
Паводле папярэдніх звестак, 27‑гадовая кіроўца Opel выехала на сустрэчную паласу, дзе сутыкнулася з мікрааўтобусам Volkswagen, якім кіраваў 79‑гадовы мужчына.
У выніку аварыі 77‑гадовая пасажырка Volkswagen загінула на месцы. Абодва кіроўцы, а таксама 27‑гадовая пасажырка з Opel, былі дастаўленыя ў бальніцу.
Устаноўлена, што абодва аўтамабілі былі на зімовых шынах.