Ford адкінула на рабочых падчас рамонту дарогі пад Мінскам — двое мужчын у бальніцы
ДТЗ адбылося ўдзень 15 лістапада на 21‑м кіламетры аўтадарогі М-3 Мінск — Віцебск, паведамляе ДАІ.
24‑гадовы кіроўца Ford Mondeo пры руху па ўчастку з дарожнымі работамі не справіўся з кіраваннем. Аўтамабіль выехаў на сустрэчную паласу, дзе сутыкнуўся з аўтамабілем загароджання ГАЗ.
Ад моцнага ўдару легкавы аўтамабіль адкінула ў бок рабочых, якія ў гэты момант праводзілі рамонт на праезнай частцы.
У выніку здарэння два дарожныя рабочыя — 43 і 50 гадоў, жыхары Дзяржынскага раёна, — былі дастаўленыя ў бальніцу.