У Беларусі хочуць стварыць тэлеканал «Беларусьфільм»
Міністр інфармацыі Марат Маркаў сказаў пра перспектывы стварэння новага тэлеканала «Беларусьфільм», па якім маглі б транслявацца фільмы, знятыя кінастудыяй за 100 гадоў яе існавання. Гэтую перспектыву Маркаў ацаніў як рэальную, піша Sputnik.
Марат Маркаў
Першым крокам павінны стаць ацэнка і алічбоўка ўсяго аб'ёму архіва мастацкіх стужак, дакументальных і анімацыйных фільмаў «Беларусьфільма», створанага ў 1924 годзе.
«Цалкам актуальнае пытанне, якое відавочна ляжыць на стыку паўнамоцтваў двух міністэрстваў — інфармацыі і культуры, але справа агульная. Мяркую, новаму кіраўніку нашай кінастудыі і двум міністрам тут ёсць пра што падумаць. І мы падумаем», — заявіў Марат Маркаў.
Чытайце таксама:
Маркаў задумаўся пра стварэнне дзіцячага тэлеканала, але ёсць пытанні
Міністр інфармацыі Маркаў хоча пастрожыць рэгуляванне рэкламы