На беларускай біржы ўпершыню прадалі бананавае пюрэ
На Беларускай універсальнай таварнай біржы ўпершыню адбыліся таргі, на якіх прадавалі бананавае пюрэ. Прадукт закупілі для патрэб харчовай прамысловасці, паведамілі выданню Office Life прадстаўнікі біржы.
Здымак ілюстрацыйны. Фота: «Наша Ніва»
Аб’ём пакупкі склаў 300 тон на суму 1,1 мільёна рублёў. Гэта адна з найбуйнейшых здзелак у сферы садавіна-агародніннай прадукцыі за гэты год. Пакупніком стала беларуская кампанія — вытворца дзіцячага харчавання.
Бананавае пюрэ ўключылі ў спіс біржавых тавараў па просьбе беларускіх прадпрыемстваў харчовай галіны. Раней праз біржу ўжо закупалі яблычнае пюрэ — у агульнай колькасці 610 тон на суму амаль 2 мільёны рублёў.
Цяпер прадаўцамі з’яўляюцца беларускія кампаніі, але біржа працуе над тым, каб прыцягнуць замежных пастаўшчыкоў, у тым ліку з далёкіх краін, улічваючы рост попыту.
Чытайце таксама:
Фейхоа за 50 рублёў і мандарыны «са смакам дзяцінства»: што прапануе Камароўка ў гэтыя выхадныя
У сталічным гіпермаркеце паставілі разумныя вагі са штучным інтэлектам. Як працуе тэхналогія?
Цэны на прысмакі шакуюць беларусаў: суніцы ў шакаладзе — 721 рубель за кілаграм