Вясковец у Рагачоўскім раёне зрабіў з вінтоўкі пісталет
У Рагачоўскім раёне ў жыхара адной з вёсак міліцыя знайшла пісталет. Зброю адабралі і накіравалі ў Дзяржкамітэт судовых экспертыз па Гомельскай вобласці.
Згодна з заключэннем эксперта, прадстаўлены пісталет з’яўляецца ручной стралковай наразной агнястрэльнай зброяй.
Яго вырабілі самаробным спосабам з малакалібернай вінтоўкі Anschutz JGA: скарацілі ствол, перарабілі мушку і вырабілі спускавы кручок, спускавую скабу і ручку.
Зброя прыдатная для стральбы.