Спявачку Манетачку забралі ў бальніцу проста падчас канцэрта ў Рызе
Спявачку шпіталізавалі з-за вострай алергічнай рэакцыі — ацёку Квінке.
Фота: інстаграм Манетачкі
Пра здарэнне яна сама напісала ў сторыс у інстаграме.
«У мяне проста падчас канцэрта адбыўся ацёк Квінке [алергічная рэакцыя]! Пачала задыхацца на сцэне, адвезлі на хуткай, цяпер вось у бальніцы, пракалолі лекі. Ужо дыхаю нармальна, але пакуль дрэнна кемлю», — напісала Манетачка і апублікавала фота з бальніцы.
Яна выбачылася перад гледачамі ў Рызе.
«Гэты ацёк у мяне ўжо быў, але каб проста на канцэрце — упершыню. Мне ўвогуле ніколі яшчэ не даводзілася спыняць канцэрт!»
Спявачка спадзяецца, што больш такога на сцэне не будзе.