Беларусы пацярпелі ў ДТЗ у Іркуцкай вобласці, дзе сутыкнуліся чатыры фуры
Тры чалавекі загінулі ў ДТЗ з чатырма фурамі ў Іркуцкай вобласці Расіі. Сярод загінулых і пацярпелых ёсць беларусы.
У Куйтунскім раёне Іркуцкай вобласці Расіі на федэральнай трасе Р-255 «Сібір» адбылося сутыкненне чатырох велікагрузных аўтамабіляў.
У выніку аварыі на месцы загінулі двое кіроўцаў. Пазней стала вядома, што трэці пацярпелы, шпіталізаваны ў бальніцу, таксама памёр.
Вядома, што сярод загінулых і пацярпелых ёсць грамадзяне Беларусі і Кітая. Іншыя дэталі не называюцца. Пра здарэнне праінфармаваныя Міністэрствы замежных спраў абедзвюх краін.
Рух на месцы ДТЗ цалкам перакрыты ў абодвух напрамках.
На месцы здарэння працуюць ратавальнікі, медыкі, супрацоўнікі паліцыі і дарожнай службы.