У Беларусі заблакаваныя амаль 5 тысяч літоўскіх цягачоў і прычэпаў
Пасля фактычнай забароны беларускім урадам перасячэння дзяржаўнай мяжы для аўтамабіляў з літоўскімі нумарамі Дзяржаўны мытны камітэт паведаміў, колькі такіх цяпер ёсць на тэрыторыі Беларусі.
Фота ілюстрацыйнае
«На тэрыторыі Беларусі аказаліся заблакаваныя амаль 5 тысяч адзінак літоўскіх цягачоў і прычэпаў, якія змогуць пакінуць рэспубліку толькі пасля адкрыцця мяжы літоўскімі ўладамі», — паведамілі ў ДМК.
Паводле пастановы, падпісанай прэм'ер-міністрам Аляксандрам Турчыным, грузавым аўтамабілям, цягачам і прычэпам (паўпрычэпам) з літоўскай рэгістрацыяй дазваляецца перасякаць дзяржаўную мяжу толькі на беларуска-літоўскім участку, які цяпер закрыты. На мяжу з Латвіяй і Польшчай ім ехаць забараняецца.
Чытайце таксама:
Літоўскім грузавікам забаранілі выязджаць з Беларусі праз Латвію і Польшчу
МЗС: Не прэм'еру Польшчы ці Літвы вырашаць, калі адкрыць мяжу
Літва афіцыйна паведаміла ўладам Беларусі пра закрыццё пунктаў пропуску на мяжы