Выпускаюць зубную пасту са смакам цукерак «Сталічныя»
Навінка ад «Модум» і «Камунаркі» павінна з'явіцца ў продажы праз два тыдні.
Фота: блогер Какабай
Пра незвычайную зубную пасту са смакам цукерак «Сталічныя» паведаміў блогер Какабай. Ён атрымаў тэставы цюбік. Яго ярка-жоўтая ўпакоўка нагадвае дызайн цукерак.
«Вельмі праўдападобны пах, менавіта пах цукерак «Сталічныя». Як быццам выціснуў сабе пасту цукерак «Сталічных». І прысмак мяты. Не ведаю, хто гэта прыдумаў, але прэмію яму. Гэта найлепшая ідэя», — пракаментаваў блогер.
Па яго словах, у крамах такая зубная паста будзе праз два тыдні.