Аляксандр Кныровіч выйшаў з Каардынацыйнай рады
Бізнэсовец, блогер і вядоўца Аляксандр Кныровіч заявіў, што пакідае Каардынацыйную раду, а таксама «любыя палітычныя структуры». Ён спаслаўся на прычыны асабістага характару.
Аляксандр Кныровіч. Фота: aknyrovich / Facebook
Аднак сваё рашэнне, якое ён апублікаваў у чаце КР, ён суправадзіў рэзкай крытыкай у адрас кіраўніцтва і дзейнасці КР. На яго думку, за паўтара года працы КР стала «пустазеллем».
Кныровіч прагназуе, што КР чакае «правал, публічная катастрофа» на выбарах у КР чацвёртага склікання, якія павінны прайсці не пазней за май 2026 года, з прычыны маргіналізацыі самой структуры і адсутнасці сэнсаў.