Варшаўскі суд адмяніў рашэнне аб перадачы былой палітзняволенай з Польшчы ў Літву
Справу Наталлі Падлеўскай накіравалі на перагляд, рашэнне аб высылцы беларускі адмененае. Пра гэта паведамляе «Белсат» і «Партызанка».
Наталля Падлеўская. Фота: belaruswomen.org
Ваяводскі адміністрацыйны суд Варшавы сёння адмяніў рашэнне аб перадачы 60‑гадовай Наталлі Падлеўскай з Польшчы ў Літву. Саму справу перагледзяцяць.
Удзень 23 кастрычніка польскія памежнікі перадалі Наталлю літоўскаму боку паводле Дублінскага пагаднення.
Наталля Падлеўская жыла ў Польшчы з верасня 2024 года. Як толькі яна прыехала ў гэтую краіну, адразу падалася на міжнародную абарону. У дачыненні да жанчыны, аднак, быў выкарыстаны Дублінскі рэгламент, які дазваляе краіне перадаць прасіцеля прытулку ў краіну, якая выдала візу. У Наталлі была літоўская віза.
Чытайце таксама:
Польшча перадала былую палітзняволеную Наталлю Падлеўскую ў Літву