Двое ўкраінскіх журналістаў загінулі ў Краматорску ў выніку ўдару расійскага дрона
Ва ўкраінскім Краматорску загінулі журналісты ўкраінскага тэлеканала Freedom карэспандэнтка Алена Грамова (Губанава) і аператар Яўгеній Кармазін.
Алене было 43 гады, Яўгенію — 33 гады.
Паводле даных тэлеканала, падчас атакі журналісты знаходзіліся ў аўтамабілі на заправачнай станцыі.
Пад абстрэл таксама трапіў спецыяльны карэспандэнт Аляксандр Колычаў. Яго даставілі ў бальніцу з раненнем.