ДАІ зацікавілася групай дзяўчат, якія сфатаграфаваліся на пешаходным пераходзе
Супраць іх прынялі меры «адміністрацыйнага ўздзеяння», паведаміў канал УУС Брэсцкага аблвыканкама.
Скрыншот відэа: @krepostfortuvd / Telegram
Відэа з фотасесіі, якую дзяўчыны арганізавалі на пешаходным пераходзе, супрацоўнікі ДАІ пабачылі ў інтэрнэце.
«Сваімі паводзінамі ўдзельніцы «здымкі» не толькі праігнаравалі правілы дарожнага руху, але і стварылі патэнцыйна небяспечную сітуацыю для сябе і іншых удзельнікаў дарожнага руху», — паведамляецца ў канале аблвыканкама.
Што менавіта парушылі дзяўчыны і якія канкрэтна меры супраць іх былі прынятыя, не паведамляецца.