Абрабаваны Луўр
Сёння ранкам у парыжскім Луўры адбылося дзёрзкае абрабаванне. Злачынцы збеглі. Музей цяпер закрыты для наведванняў.
Папярэдне, злачынцы скарысталіся будаўнічымі работамі і праніклі ў музей з боку набярэжнай Сены. Яны выкарысталі грузавы ліфт, які вёў непасрэдна ў патрэбную выставачную залу.
Паводле звестак газеты «Le Parisien», трое злачынцаў скралі дзевяць прадметаў з калекцыі ювелірных вырабаў Напалеона. Сярод іншага скрадзены каралі, брошка і дыядэма з імператарскай калекцыі. Паводле выдання, «Рэгент», найбуйнейшы і самы каштоўны брыльянт у калекцыі вагой больш за 140 каратаў, не быў скрадзены. «Рэгент» з'яўляецца адным з цэнтральных экспанатаў галерэі Апалона, якая і была абрабаваная.
Злачынцы збеглі.
Музей цяпер закрыты. «Музей сёння будзе зачынены па выключных прычынах», — напісана ў акаўнце Луўра.