У спіс «тэрарыстаў» дадалі яшчэ 6 чалавек, у тым ліку маладую супрацоўніцу Ernst & Young
КДБ абнавіў спіс «асоб, якія маюць дачыненне да тэрарыстычнай дзейнасці» — там з'явіліся прозвішчы шасці чалавек, піша «Вясна».
Крысціна Сашнікава. Фота з яе старонкі Укантакце
Гэта Праташчык Аляксей, Бойка Яўген, Кузьмянчук Андрэй, Невар Яўген, Сашнікава Крысціна, Калуеў Ігар.
Пра 33‑гадовую Крысціну Сашнікаву распавядала «Наша Ніва». Аўдытарку Ernst & Young асудзілі паўторна па пакеце палітычных артыкулаў, далі чатыры гады і адправілі ў калонію для рэцыдывістак — у ПК-24 у Зарэччы.
Цяпер у «тэрарыстычным спісе» 1348 чалавек, з іх 651 — беларусы.