У Расію прыехаў новы прэзідэнт Сірыі
Сёння пройдуць перамовы Уладзіміра Пуціна з прэзідэнтам Сірыі Ахмедам аль-Шараа, які будзе знаходзіцца ў Расіі з рабочым візітам, паведамляе Крэмль.
Ахмед аль-Шараа. Фота: Mosa'ab Elshamy, File / AP
Плануецца абмеркаваць цяперашні стан і перспектывы развіцця расійска-сірыйскіх сувязей у палітычнай, гандлёва-эканамічнай і гуманітарнай сферах, а таксама апошнія падзеі на Блізкім Усходзе.
Нагадаем, што ў Расіі жыве зрынуты ў снежні мінулага года Башар Асад. Аль-Шараа патрабаваў ад Расіі выдаць Асада.