У Лунінецкім раёне загінуў веласіпедыст
11 кастрычніка каля 18:50 на аўтадарозе Лунінец—Пінск здарылася смяротнае ДТЗ.
37‑гадовы жыхар Лунінецкага раёна, кіруючы аўтамабілем Nissan у напрамку ад Лунінца да вёскі Вулька-1, збіў веласіпедыста.
Той ехаў у тым жа напрамку па краі праезнай часткі без флікераў, яго веласіпед не быў абсталяваны фарамі.
66‑гадовы веласіпедыст памёр ад атрыманых траўм.