ДАІ ўводзіць узмоцнены кантроль па ўсёй краіне — пасля страшнай аварыі пад Светлагорскам
Следчыя правядуць пазапланавую праверку фірмы, якой належала маршрутка.
ДАІ ўводзіць узмоцнены кантроль на дарогах па ўсёй Беларусі. Асабліва ў цёмны час сутак. На дарогі вывелі дадатковыя нарады ДПС, арганізаваны негалосны і змешаны кантроль.
Усім супрацоўнікам паставілі задачу аператыўна прадухіляць парушэнні правіл, якія могуць прывесці да цяжкіх наступстваў. Асаблівую ўвагу будуць надаваць абгонам і рамяням бяспекі.
Узмоцнены кантроль ДАІ ўвяла пасля страшнай аварыі ў Светлагорскім раёне. У выніку сутыкнення маршруткі з трактарам і ўседарожнікам шэсць чалавек загінулі на месцы, 19 чалавек пацярпелі. Ад мікрааўтобуса і машыны мала што засталося.
Следчыя праводзяць пазапланавую праверку перавозчыка, якому належала маршрутка.
Чытайце таксама:
Пасля жудаснай аварыі ў Светлагорскім раёне шпіталізавалі восем чалавек
Шэсць чалавек загінулі ў Светлагорскім раёне пры аварыі маршруткі