У Дзяржынскім раёне адбылася аварыя са смяротным вынікам
У аварыі загінуў 58‑гадовы кіроўца, паведамляе УДАІ УУС Мінскага аблвыканкама.
ДТЗ адбылося 9 кастрычніка каля 12:50 на дарозе Н9531 Смалявічы — Самахвалавічы — Негарэлае. Кіроўца аўтамабіля Nissan Sunny, рухаючыся ў бок вёскі Самахвалавічы, выехаў у левы па руху кювет і ўрэзаўся ў прыдарожнае дрэва.
Мужчына загінуў на месцы здарэння. Падрабязнасці аварыі высвятляюцца.