Сёння пачынаецца абвяшчэнне нобелеўскіх прэмій
Сёння ў Стакгольме пачынаецца абвяшчэнне нобелеўскіх прэмій. Першым, або першымі будуць абвешчаныя лаўрэаты па медыцыне і фізіялогіі.
Angela Weiss/Pool Photo via AP, File
Гэта адбудзецца а 12:30 па мінскім часе.
У аўторак стануць вядомыя лаўрэаты па фізіцы, у сераду па хіміі.
У чацвер назавуць Нобелеўскага лаўрэата па літаратуры, а ў пятніцу а 12‑й — прэміі міру.
У наступны панядзелак — прэміі па эканоміцы.
У 2015 годзе Нобелеўскім лаўрэатам па літаратуры стала беларуская пісьменніца Святлана Алексіевіч, а ў 2022 годзе нобелеўскім лаўрэатам прэміі міру стаў праваабаронца Алесь Бяляцкі, які ў той час быў у СІЗА, а цяпер адбывае 10 гадоў калоніі.