Кіруючыя партыі Германіі губляюць папулярнасць — чаго не скажаш пра «Альтэрнатыву для Германіі»
Кіруючыя партыі Германіі ХДС/ХСС і СДПГ губляюць падтрымку выбаршчыкаў да рэкордна нізкага ўзроўню, паведамляе Bild.
Канцлер Германіі Фрыдрых Мерц. Фота: Nietfeld / picture alliance via Getty Images
Згодна з апошнім апытаннем, блок ХДС/ХСС («Саюз») страчвае адзін працэнтны пункт і апускаецца да 24%, а сацыял-дэмакраты ад СДПГ — да 14%.
Разам кіруючая кааліцыя набірае толькі 38% — самы нізкі паказчык з моманту пачатку яе працы ў траўні. Гэта на шэсць працэнтаў менш, чым трэба для парламенцкай большасці.
Партыя АдГ («Альтэрнатыва для Германіі») утрымлівае свой паказчык у 26%.