У Кобрынскім раёне проста падчас руху загарэлася фура з грузам
Інцыдэнт адбыўся 3 кастрычніка прыкладна ў 13.20, паведамляе ўпраўленне ДАІ УУС Брэсцкага аблвыканкама.
Фота: УДАІ УУС Брэсцкага аблвыканкама
«За рулём грузавога аўтамабіля Volvo з прычэпам знаходзіўся 39‑гадовы жыхар Гродзенскай вобласці, ён ехаў з боку Брэста ў напрамку Мінска. На 61‑м кіламетры трасы падчас руху адбылося ўзгаранне прычэпа», — паведамілі ва УУС.
У аварыі ніхто не пацярпеў. Узгаранне было ліквідавана. Пашкоджанні атрымалі сам прычэп і груз, які быў у ім.