У Капыльскім раёне згарэў дом, загінулі два чалавекі
Трагедыя здарылася сёння раніцай у вёсцы Сунаі, паведамляе СК.
Падчас ліквідацыі пажару ў прыватным доме пажарныя знайшлі целы двух мужчын (абодва 1992 года нараджэння).
Дом выкарыстоўваўся ў якасці лецішча, загінулыя — уласнік будынка і яго знаёмы. Напярэдадні яны прыехалі ў вёску, працавалі і адпачывалі на ўчастку.
Разглядаецца некалькі версій узнікнення пажару, сярод якіх парушэнне правілаў эксплуатацыі пячнога абсталявання і кароткае замыканне электраабсталявання, — паведамляе Следчы камітэт.