16‑гадовая Паліна, якую асудзілі за пратэсты, насамрэч аказалася 22-гадовай. Справа ў памылцы міліцыі
Паліна Жаковіч ужо скончыла Міжнародны ўніверсітэт МІТСО.
Паліна Жаковіч. Фота з яе старонкі Укантакце
Паліна Жаковіч нарадзілася ў 2003 годзе. Родам яна з горада Узда, райцэнтра за 70 кіламетраў ад Мінска.
Паліна скончыла школу ў 2020 годзе і паступіла ў Міжнародны ўніверсітэт МІТСО на спецыяльнасць «Адвакатура і натарыят». У 2024 годзе яна выпусцілася.
У спісе «экстрэмістаў» Міністэрства ўнутраных спраў ёй паставілі памылковую дату нараджэння — нібыта 2009 год. Магчыма, праз памылку пры распазнаванні адсканаванага тэксту і падабенства лічбаў 3 і 9).
Паліну Жаковіч абвінавачвалі ва ўдзеле ў пратэстах, але ў выніку вызвалілі ад адказнасці па артыкуле 86 Крымінальнага кодэксу. Гэта значыць, што замест крымінальнага пакарання ёй назначылі адміністратыўнае — хутчэй за ўсё, штраф.
Чытайце таксама:
Распавядаем, як даказваюць удзел беларусаў у пратэстах і як зменшыць рызыку
Выхавацельку сталічнага дзіцячага садка, спецыялістку па дэфекталогіі, асудзілі за пратэсты
Як надзейна вычысціць фоты з вашых смартфонаў — падрабязны гайд