«Белавія» адкрыла продаж квіткоў на Шры-Ланку. Колькі каштуюць?
Авіякампанія «Белавія» пачала продаж квіткоў на новы прамы авіярэйс з Мінска ў Шры-Ланку. Першы пералёт запланаваны на 28 кастрычніка.
Шры-Ланка. Фота: AP Photo / Manish Swarup
Квіткі сталі даступныя з 1 кастрычніка набыць іх можна на сайце кампаніі, у турыстычных аператараў.
Кошт квіткоў:
у адзін бок — ад 1286 рублёў,
туды і назад — ад 2528 рублёў.
Рэйсы будуць выконвацца кожны аўторак. Пералёт — каля 10 гадзін:
вылет з Мінска — у 02:10, прыбыццё ў аэрапорт Матала (Шры-Ланка) — у 14:00;
зваротны рэйс з Матала — у 16:00, прыбыццё ў Мінск — у 23:30.