Затрымалі арганізатара паляўнічых тураў для замежнікаў
43‑гадовага мужчыну, які на працягу апошніх двух гадоў арганізоўваў паляўнічыя туры і меў дома паляўнічую зброю, затрымліваў ГУБАЗіК з «Алмазам».
Скрын відэа
Паводле МУС, з 2023 па 2025 гады мужчына быў пасрэднікам паміж замежнымі грамадзянамі і паляўнічымі ўгоддзямі Мінскай і Магілёўскай абласцей. Але паляўнічыя туры, сцвярджае МУС, ён арганізоўваў незаконна — парушаў патрабаванні да часовага ўвозу-вывазу зброі і боепрыпасаў, неправамерна прадастаўляў кліентам сваю асабістую наразную зброю і боепрыпасы.
Па месцы яго жыхарства знойдзены і канфіскаваны тры адзінкі агнястрэльнай паляўнічай зброі, больш за 150 боепрыпасаў.
Заведзена чатыры крымінальныя справы. Затрыманаму пагражае да 10 гадоў пазбаўлення волі.