З лістапада ў маршрутках можна будзе разлічвацца банкаўскай карткай
З 1 лістапада 2025 года ва ўсіх гарадскіх маршрутных таксі катэгорыі М2 (гэта маршруткі і маленькія аўтобусы) павінны з'явіцца плацежныя тэрміналы для безнаяўнай аплаты праезду. Пра гэта паведамляе Міністэрства па падатках і зборах.
Новаўвядзенне датычыцца юрыдычных асоб і індывідуальных прадпрымальнікаў, якія займаюцца рэгулярнымі гарадскімі перавозкамі.
Пасажыры змогуць выбіраць, як ім зручней аплаціць праезд — наяўнымі грашыма, банкаўскай карткай ці па QR-кодзе.