На наступным тыдні чакаецца прахалоднае, але стабільнае надвор'е
Сіноптык Дзмітрый Рабаў у эфіры тэлеканала АНТ даў прагноз надвор’я ў Беларусі на тыдзень з 29 верасня па 5 кастрычніка. Паводле яго слоў, яно будзе прахалодным, але стабільным, з высокай верагоднасцю начных замаразкаў.
Фота ілюстрацыйнае
На пачатку тыдня Беларусь будзе пад уплывам халоднага скандынаўскага антыцыклону: неба будзе пераменна воблачнае, ападкаў амаль не будзе, толькі на поўдні магчымыя кароткачасовыя дажджы. У начны і ранішні час магчымы туман.
Начныя тэмпературы ў пачатку тыдня ў асноўным будуць плюсавыя — ад 1 да 6 градусаў, месцамі магчымыя замарозкі да -3. Дзённая тэмпература будзе каля 8—11 у панядзелак і 6—10 у аўторак.
Да сярэдзіны тыдня антыцыклон яшчэ будзе ўплываць на надвор’е: ноччу 0—5 градусаў, месцамі замаразкі, дзённая тэмпература 8—13 градусаў, воблачнасць з праясненнямі, ападкаў мала.
У другой палове тыдня скандынаўскі антыцыклон захаваецца: ноччу 3—7 градусаў, у чацвер днём да +15, у пятніцу на 2 градусы халадней.
На першых кастрычніцкіх выхадных чакаецца пераменнае воблачнае надвор’е без ападкаў, з умераным ветрам і месцамі туманам. Ноччу 3—8 градусаў, у суботу днём 3—16 градусаў, а ў нядзелю, 5 кастрычніка, будзе самы цёплы дзень тыдня — 14—19 градусаў.