Белчыгунка адмяняе некаторыя цягнікі ў Расію з-за аварыі ў Смаленскай вобласці
Сёння раніцай у раёне станцыі Рыжыкава ў Смаленскай вобласці Расіі на чыгуначным пераездзе сутыкнуліся грузавы цягнік і велікагрузны аўтамабіль. З рэек сышлі 18 вагонаў.
З-за гэтага Беларуская чыгунка адмяніла 26 верасня наступныя цягнікі:
-
№6705/6706 Смаленск — Заольша з адпраўленнем са станцыі Смаленск у 8:34 і прыбыццём на станцыю Заольша ў 10:51;
-
№6709/6710 Смаленск — Завольша з адпраўленнем са станцыі Смаленск у 17:15 і прыбыццём на станцыю Завольша ў 19:30;
-
№6707/6708 Завольша — Смаленск з адпраўленнем са станцыі Завольша ў 11:17 і прыбыццём на станцыю Смаленск у 13:33;
-
№6711/6712 Завольша — Смаленск з адпраўленнем са станцыі Заовльша ў 20:04 і прыбыццём на станцыю Смаленск у 22:13.
«Для ліквідацыі наступстваў здарэння па просьбе Расійскай чыгункі ў Смаленскую вобласць накіраваны пажарны аварыйна-выратавальны і аднаўленчы цягнікі Беларускай чыгункі», — паведамілі ў БЧ.