У выніку атакі дронаў адбыўся пажар на НПЗ у Краснадарскім краі
У выніку атакі дронаў узнік пажар на нафтаперапрацоўчым заводзе ў Краснадарскім краі. Пра гэта паведаміў аператыўны штаб рэгіёна.
Фота: Astra
Сцвярджаецца, што «абломкі беспілотніка» ўпалі «на адну з установак» на Афіпскім нафтаперапрацоўчым заводзе. У аперштабе сцвярджаюць, што пацярпелых няма.
Таксама часткі беспілотніка ўпалі на адной з вуліц у Цемрукскім раёне.
Пра атаку беспілотнікаў таксама напісаў губернатар Растоўскай вобласці. Паводле яго слоў, у Растове быў пашкоджаны будынак крамы і некалькі аўтамабіляў.