Зяленскі анансаваў стварэнне штурмавых войскаў
Прэзідэнт Украіны заявіў, што прыняў рашэнне аб стварэнні штурмавых войскаў. Пра гэта ён сказаў сёння журналістам, піша «Укрінформ»
Фота: Укрінформ
«У нас з’явіліся штурмавыя батальёны, палкі, якія паказваюць цягам 2025 года, безумоўна, добры вынік. І мы вырашылі, што трэба выйсці ў юрыдычную плоскасць. Расіяне вырашылі рабіць тое самае, што і мы. Будзем цяпер рабіць асобныя штурмавыя войскі, гэта рашэнне прынята», — сказаў Уладзімір Зяленскі.
Паводле яго слоў, цяпер ідзе падрыхтоўка да абвяшчэння гэтага рашэння.
На думку Зяленскага, «прыблізна тыдзень, дзесяць дзён — і ўсё будзе працаваць».
Ён таксама дадаў, што ў складзе Штурмавых войскаў «абавязкова будзе дронны кампанент».