Канапацкая прысутнічала на сустрэчы Лукашэнкі з ідэалагічным актывам
Былы дэпутат Палаты прадстаўнікоў і кандыдат у прэзідэнты Ганна Канапацкая прысутнічала на сённяшняй сустрэчы з Аляксандрам Лукашэнкам.
Яе можна ўбачыць на кадрах, апублікаваных яго прэс-службай. Яна сядзіць побач з першым сакратаром БРСМ Аляксандрам Лук’янавым, заўважыў Reform.news.
У прэс-службе Лукашэнкі сённяшняе мерапрыемства назвалі «вялікай сустрэчай з ідэалагічным актывам, гістарычнай і экспертнай супольнасцю, прысвечанай Дню народнага адзінства».