У мінскім метро згубілася дзяўчынка, бо не ведала, дзе галава цягніка
Дзевяцігадовая дзяўчынка была разгубленая, калі бацька пакінуў яе на платформе.
Тата сказаў дзіцяці, што хутка прыедзе мама, якая павінна будзе выйсці з вагона метро з галавы цягніка, паведамляе «Міліцыя Мінска».
Толькі вось малая не змагла зарыентавацца і зразумець, дзе ў цягніка знаходзіцца тая самая «галава».
Яна чакала маму гадзіну, а затым папрасіла жанчыну, што праходзіла міма, ёй дапамагчы.
Дзяўчынка не ведала ні нумароў тэлефонаў бацькоў, ні свайго хатняга адрасу. Супрацоўнікі міліцыі даставілі яе дадому.