У Гомелі МНС здымала будаўніка з даху пры дапамозе альпінісцкага рыштунку
У Гомелі супрацоўнікі МНС дапамаглі спусціць з балконнага даху мужчыну, які траўмаваў нагу падчас будаўнічых работ.
Скрыншот з відэа
Інцыдэнт адбыўся днём 16 верасня на вуліцы Юбілейнай. Будаўнік займаўся мантажом аздаблення дома, калі частка канструкцыі ўпала яму на нагу. Самастойна спусціцца ён не змог.
«З дапамогай альпінісцкага рыштунку і цвёрдых насілак ратавальнікі паднялі пацярпелага на дах дома, пасля чаго перадалі яго брыгадзе хуткай дапамогі», — паведамілі ў МНС.
Мужчыну ў выніку завезлі ў бальніцу.
Чытайце таксама:
У Лепельскім раёне з балота выцягвалі пенсіянерку, якая правяла там больш за суткі
У Магілёве ноччу загарэлася школа
Расійскі ратавальнік расказаў, што стала прычынай гібелі беларускага турыста на Эльбрусе