Хрэнін паляцеў на вучэнні ў Расію
Міністр абароны Віктар Хрэнін накіраваўся ў Расійю для ўдзелу ў назіранні за актыўнай фазай сумесных вучэнняў «Захад-2025», паведаміла беларускае вайсковае ведамства.
Віктар Хрэнін. Скрыншот СТБ
Візіт праходзіць у межах ваенна-тэхнічнага супрацоўніцтва паміж Беларуссю і Расіяй і дэманструе прыхільнасць абедзвюх краін да ўмацавання рэгіянальнай бяспекі, адзначылі ў Мінбароны.
На адным з палігонаў Расійскай Федэрацыі Віктар Хрэнін азнаёміцца з ходам практычных дзеянняў саюзных войскаў, ацэніць узровень падрыхтоўкі асабовага складу і эфектыўнасць прымянення ўзбраенняў і ваеннай тэхнікі.
Асобая ўвага будзе нададзена зладжанасці дзеянняў розных родаў войскаў і органаў кіравання ва ўмовах, максімальна набліжаных да баявых.
Сёння — апошні дзень вучэнняў.