«Штрафы «фізікам», а сельсаветы — «гэта другое». Людзі абурыліся, што дзяжпрадпрыемствы не штрафуюць за пустазелле

У Беларусі ўвялі штрафы за пустазелле, у тым ліку за інвазіўную расліну сумнік. Паводле Кодэкса аб адміністрацыйных правапарушэннях (арт. 24.1 КаАП РБ), штрафы за ігнараванне мер па барацьбе з гэтай раслінай складаюць ад 20 да 300 базавых велічынь. Чыноўнікі асабліва кантралююць прыватныя ўчасткі і тэрыторыі вакол іх, але праблема ў тым, што да сябе ў іх патрабаванні куды менш строгія, заўважыла BG.Media.

Зараснікі сумніка канадскага. Здымак ілюстрацыйны. Фота: slushna.by

У той жа час жыхар Брэста звярнуў увагу на праблему: на тэрыторыі дзяржаўнага прадпрыемства, уздоўж лініі электраперадач, расце вялікая колькасць сумніка, які ніхто не выкошвае. Па словах мясцовага жыхара, менавіта з гэтай тэрыторыі насенне разлятаецца на прыватныя ўчасткі, пасля чаго іх уладальнікі вымушаныя змагацца з пустазеллем пад пагрозай штрафу.

@paaladin Почему частные лица владеющие землёй вынуждены платить штрафы за золотарник на их участках, а государственные учреждения с территорий которых каждый год семена заносятся на частные дворы - закрывают заявку на выкос с формулировкой "территория не находится на обслуживании предприятия"? Хотя обязанность благоустройства и содержания охранных зон вдоль ЛЭП лежит именно на землепользователе. #Беларусь #Золотарник #Брест #природа #штраф ♬ оригинальный звук - Pavel Semenov

Мужчына накіраваў скаргу праз партал 115.бел, але яе не задаволілі. Са скрыншотаў відаць, што заяўку некалькі разоў закрывалі. Брэсцкі раён электрычных сетак (РЭС) патлумачыў, што тэрыторыя з пустазеллем «не знаходзіцца на абслугоўванні прадпрыемства». У выніку прыватныя ўладальнікі аказаліся адзінымі, хто нясе адказнасць за ўпарадкаванне тэрыторый уздоўж ЛЭП.

Гэта выклікае абурэнне ў каментатараў. Людзі адзначаюць, што штрафы дзейнічаюць толькі для «фізікаў», а сельсаветы і дзяржаўныя структуры фактычна вызвалены ад адказнасці. Хтосьці нават жартам заўважыў, што «хутка будуць штрафаваць за трыпутнік і дзьмухаўцы».

Каментары да артыкула